Xalqaro tanlovlar g'oliblariga 300 mln so'mgacha mukofot beriladi

Adabiyot va san'at sohalarida xalqaro tanlov g'oliblari 300 million so'mgacha mukofot oladi. Bu haqda hukumatning 2026-yil 11-noyabrdagi qarorida belgilangan.

Mukofot miqdorlari

Nufuzli xalqaro tanlovlarning gran-pri va 1-o'rin sohiblariga 300 million so'm, 2-o'rin egalariga 200 million so'm, 3-o'rin sohiblariga esa 100 million so'm miqdorida bir martalik pul mukofoti beriladi. Respublika tanlovlarida esa gran-pri va 1-o'rin uchun 100 million so'm, 2-o'rin uchun 50 million so'm, 3-o'rin uchun esa 25 million so'm mukofot belgilanadi.

Tanlovlar uchun qo'shimcha talablar

Madaniyat vazirligi tasdiqlamagan xalqaro tanlovlar g'olib va sovrindorlariga ham mukofot berilishi mumkin. Buning uchun tanlovda 30 dan ortiq mamlakat vakillari qatnashishi kerak. Shuningdek, u haqda 20 dan ortiq mamlakat ommaviy axborot vositalarida ma'lumot e'lon qilinishi lozim. YUNESKO yoki boshqa yirik xalqaro tashkilotlar tomonidan qo'llab-quvvatlanishi yoki tan olinishi hamda kamida 4 ta saralash bosqichiga ega bo'lishi talab etiladi.

Manba: Hukumat qarori, 2026-yil 11-noyabr.

Mavzuga oid: O'qituvchilar 50 foiz ustama va 30 million so'm mukofot oladi.