1 ming muhandis-konstruktor dasturi: mahalliy mutaxassislar xorijda

Prezidentimiz kelgusi yildan “1 ming muhandis-konstruktor” dasturi boshlanishini e’lon qildi. Uning bo'yicha mahalliy mutaxassislar malaka oshirish uchun Koreya, Yaponiya, Xitoy, Turkiya va Yevropa mamlakatlariga yuboriladi. Bu haqda Oliy ta'lim, fan va innovatsiyalar vazirligi xabar berdi.

Xorijdagi vatandoshlarni yurtga qaytarish

Xorijiy kompaniyalarda ishlayotgan yuqori malakali vatandoshlarimizni yurtimizga jalb qilish uchun ularga munosib ish haqi va mehnat sharoitlari yaratiladi.

Universitetlar bilan hamkorlik

“Yangi O‘zbekiston”, Inha, “ToshTech” va Turin politexnika universitetlariga yetakchi xorijiy universitetlar bilan qo‘shma ta’lim dasturlarini tashkil qilish topshirildi. Mutaxassislar jalb qilish va zamonaviy muhandis-texnologlar tayyorlashni kengaytirish ham rejalashtirilgan.

Bu orqali mamlakatimiz sanoatining texnologik taraqqiyotiga xizmat qiladigan yuqori malakali muhandislar korpusini shakllantirish maqsad qilingan.