Xorijiy va nodavlat OTM imtihonlari uchun ruxsatnomalar chiqarildi

Xorijiy va nodavlat oliy ta'lim muassasalariga kirish imtihonlari uchun ruxsatnomalar e'lon qilindi. Test sinovlari 2026-yil 28-oktabr kuni bo'lib o'tadi, deb xabar berdi Bilim va malakalarni baholash agentligi.

Ruxsatnomalarni qanday yuklab olish mumkin?

Test sinovida ishtirok etuvchi talabgorlar ruxsatnomani my.uzbmb.uz saytidagi shaxsiy kabinetlari orqali yuklab olishlari mumkin. Ruxsatnomada test sinovi o‘tkaziladigan sana, manzil va vaqt ko‘rsatilgan bo‘lib, talabgorlardan test sinovlariga ruxsatnomada ko‘rsatilgan vaqtdan kechikmagan holda kelishi so‘raladi.

Imtihonga nima olib kelish mumkin emas?

Talabgorlardan imtihonga ortiqcha buyumlar (elektron qurilmalar, sumka, kitob, daftar, yozuv qurollari, ichimlik, ovqat, shaxsiy buyumlar va boshqalar) olib kelmaslik so‘raladi. Talabgorlar test sinovlari bo‘lib o‘tadigan binoga shaxsini tasdiqlovchi hujjat (pasport yoki ID-karta) asosida kiritiladi.

Mavzuga oid: Nodavlat va xorijiy universitetdan davlat oliygohiga o'qishni ko'chirish.