Халқаро танловлар ғолибларига 300 млн сўмгача мукофот берилади

Адабиёт ва санъат соҳаларида халқаро танлов ғолиблари 300 миллион сўмгача мукофот олади. Бу ҳақда ҳукуматнинг 2026-йил 11-ноябрдаги қарорида белгиланган.

Мукофот миқдорлари

Нуфузли халқаро танловларнинг гран-при ва 1-ўрин соҳибларига 300 миллион сўм, 2-ўрин эгаларига 200 миллион сўм, 3-ўрин соҳибларига эса 100 миллион сўм миқдорида бир марталик пул мукофоти берилади. Республика танловларида эса гран-при ва 1-ўрин учун 100 миллион сўм, 2-ўрин учун 50 миллион сўм, 3-ўрин учун эса 25 миллион сўм мукофот белгиланади.

Танловлар учун қўшимча талаблар

Маданият вазирлиги тасдиқламаган халқаро танловлар ғолиб ва совриндорларига ҳам мукофот берилиши мумкин. Бунинг учун танловда 30 дан ортиқ мамлакат вакиллари қатнашиши керак. Шунингдек, у ҳақда 20 дан ортиқ мамлакат оммавий ахборот воситаларида маълумот эълон қилиниши лозим. YUNESKO ёки бошқа йирик халқаро ташкилотлар томонидан қўллаб-қувватланиши ёки тан олиниши ҳамда камида 4 та саралаш босқичига эга бўлиши талаб этилади.

Манба: Ҳукумат қарори, 2026-йил 11-ноябр.

Мавзуга оид: Ўқитувчилар 50 фоиз устама ва 30 миллион сўм мукофот олади.