1 минг муҳандис-конструктор дастури: маҳаллий мутахассислар хорижда
Президентимиз келгуси йилдан “1 минг муҳандис-конструктор” дастури бошланишини эълон қилди. Унинг бўйича маҳаллий мутахассислар малака ошириш учун Корея, Япония, Хитой, Туркия ва Европа мамлакатларига юборилади. Бу ҳақда Олий таълим, фан ва инновациялар вазирлиги хабар берди.
Хориждаги ватандошларни юртга қайтариш
Хорижий компанияларда ишлаётган юқори малакали ватандошларимизни юртимизга жалб қилиш учун уларга муносиб иш ҳақи ва меҳнат шароитлари яратилади.
Университетлар билан ҳамкорлик
“Янги Ўзбекистон”, Inha, “ТошТеч” ва Turin политехника университетларига етакчи хорижий университетлар билан қўшма таълим дастурларини ташкил қилиш топширилди. Мутахассислар жалб қилиш ва замонавий муҳандис-технологлар тайёрлашни кенгайтириш ҳам режалаштирилган.
Бу орқали мамлакатимиз саноатининг технологик тараққиётига хизмат қиладиган юқори малакали муҳандислар корпусини шакллантириш мақсад қилинган.
