🌍 Keyingi imtihon: 8–10-noyabr — осталось 25 дн.

CEFR imtihoni 2026: sanalar, format, darajalar va DTM bali

CEFR imtihoni — chet tilini bilish darajasini aniqlaydigan milliy sertifikat imtihoni. Multi-level formatda: bitta imtihon topshirasiz, natijaga ko'ra B1, B2 yoki C1 darajasi beriladi — har daraja uchun alohida imtihon yo'q. Ingliz, nemis, fransuz, turk va arab tillari bo'yicha 2026-yilning ikkinchi yarmida imtihon har oy o'tkaziladi: sentabr, oktabr, noyabr va dekabr. Aniq kunlar quyidagi jadvalda.

Ro'yxatdan o'tish — my.gov.uz Tillar va sanalar

Qisqacha

DTM'da chet tili sertifikati B2 va undan yuqori bo'lsa o'sha til fanidan maksimal ball (1-fan uchun 93, 2-fan uchun 63) beradi, B1 — maksimal ballning 75 foizi. Avgust sessiyasida 19 mingdan ortiq talabgor qatnashdi.

Tillar bo'yicha CEFR imtihoni sanalari 2026

Ro'yxat my.gov.uz orqali; hududlar bo'yicha joy cheklangan — limit to'lsa ro'yxat muddatidan oldin yopiladi. Til nomini bossangiz — o'sha tilning DTM bali, yo'nalishlari va savol-javoblari.

Язык	Imtihon kunlari	Ro'yxat oxiri	Примечание	Статус
Ingliz tili	8–10-noyabr 2026	24-Октябрь	—	осталось 25 дн.
Nemis tili	8–10-noyabr 2026	24-Октябрь	kompyuterda	осталось 25 дн.
Fransuz tili	8–10-noyabr 2026	24-Октябрь	kompyuterda	осталось 25 дн.
Turk tili	8–10-noyabr 2026	24-Октябрь	—	осталось 25 дн.
Arab tili	8–10-noyabr 2026	24-Октябрь	—	осталось 25 дн.

Manba: Bilim va malakalarni baholash agentligi e'loni, 2026-yil 26-avgust. To'lov summasi ro'yxatdan o'tganda ko'rsatiladi. Natija imtihon (gapirish bosqichi bilan) yakunlangan kundan bir haftadan kechikmay.

1-sentabrdan multi-level'ga o'tgan 11 til

Xitoy · Koreys · Yapon · Ispan · Italyan · Fors · Dari · Pushtu · Urdu · Hindiy · Uyg'ur — Vazirlar Mahkamasining 2026-yil 29-iyuldagi 411-son qarori. Bu tillar bo'yicha imtihon sanalari va formati alohida e'lon qilinadi.

Multi-level format: bitta imtihon — bitta daraja

Avval har daraja (B1, B2, C1) uchun alohida imtihon topshirilardi. Endi bitta imtihon: to'rt ko'nikma bo'yicha umumiy ball darajaga aylanadi.

🎧 Tinglab tushunish

Yozma qism kuni, audio topshiriqlar.

📖 O'qish

Matn va savollar — yozma qism kuni.

✍️ Yozish

Yozma topshiriqlar; nemis va fransuz tillarida kompyuterda.

🎙 Gapirish

Alohida bosqich, keyingi kunlarda — sana va vaqt ruxsatnomada. Avgust sessiyasida 25-avgust – 4-sentabr.

CEFR darajasi → DTM bali

Chet tili fani majmuada bo'lgan yo'nalishlarda sertifikat o'sha fan balini almashtiradi. Jadval jonli hisob kodidan:

Уровень	Доля	1-fan (93)	2-fan (63)	Примечание
C2	100%	93	63	Maksimal ball
C1	100%	93	63	Maksimal ball
B2	100%	93	63	Maksimal ball
B1	75%	69,8	47,2	Maksimal ballning 75 foizi
A2	0%	0	0	Mutaxassislik fanida ball bermaydi

Xalqaro sertifikatlar ekvivalenti (ingliz tili)

Экзамен	Maksimal ball (B2+)	75 % (B1)	Баллов не даёт
IELTS	5.5 va yuqori	4.0 – 5.0	4.0 dan past
TOEFL iBT	72 va yuqori	42 – 71	42 dan past
Cambridge English	B2 / C1 / C2	B1	A2 va past
Linguaskill	B2 / C1 / C2	B1	A2 va past

TOEFL iBT natijasi yangi 6 ballik shkala bo'yicha CEFR darajasiga tenglashtiriladi (Adliya vazirligi, 2026-yil iyun). B1 uchun 75 % qoidasi — 3515-2 raqamli tartib.

Ko'p so'raladigan savollar — CEFR

CEFR imtihoni 2026-yilning oxirigacha qachon bo'ladi?

Yil oxirigacha yana uch sessiya bor: 10–12-oktabr, 8–10-noyabr va 12–14-dekabr. Ro'yxatdan o'tish har safar ikki hafta ochiq: oktabr uchun 11–25-sentabr, noyabr uchun 10–24-oktabr, dekabr uchun 13–27-noyabr. To'lov ro'yxat yopilgan kunning ertasiga qadar, my.gov.uz orqali. Hududlar bo'yicha joy cheklangan — limit to'lsa ro'yxat muddatidan oldin yopiladi.

Multi-level nima degani?

Bitta imtihon — bitta natija: to'plagan ballingizga qarab B1, B2 yoki C1 darajasi beriladi. Avval har daraja uchun alohida imtihon topshirilardi. 2026-yil 1-sentabrdan yana 11 til (xitoy, koreys, yapon, ispan, italyan, fors, dari, pushtu, urdu, hindiy, uyg'ur) shu formatga o'tdi.

Imtihon qanday bosqichlardan iborat?

Yozma qism bir kunda: tinglab tushunish, o'qish va yozish. Gapirish (speaking) ko'nikmasi alohida bosqichda, keyingi kunlarda baholanadi — avgust sessiyasida yozma qism 24-avgust, gapirish 25-avgustdan 4-sentabrgacha o'tkazildi. Nemis va fransuz tillarida imtihon kompyuterda.

CEFR sertifikati DTM'da necha ball beradi?

B2, C1 va C2 — o'sha til fanidan maksimal ball: 1-fan uchun 93, 2-fan uchun 63. B1 — maksimal ballning 75 foizi (69,8 / 47,2). A2 va undan past — mutaxassislik fanida ball bermaydi. B1 uchun 75 % qoidasi Adliya vazirligida 2026-yil 2-iyunda 3515-2 raqami bilan ro'yxatdan o'tgan.

IELTS yoki TOEFL bo'lsa CEFR topshirish shartmi?

Shart emas. IELTS 5.5 va undan yuqori yoki TOEFL iBT (yangi 6 ballik shkala bo'yicha B2 ga mos) — maksimal ball; IELTS 4.0–5.0 — B1 ga tenglashtiriladi, 75 %. Cambridge English va Linguaskill ham CEFR darajasi bo'yicha hisoblanadi.

Natija qachon chiqadi?

Imtihon (gapirish bosqichi bilan birga) yakunlangan kundan bir haftadan kechikmay, my.gov.uz shaxsiy kabinetda. Bu muddat 2026-yil 30-iyuldagi o'zgartirish bilan uch haftadan bir haftaga qisqartirilgan. Sertifikat natijadan keyin bir hafta ichida elektron shaklda beriladi.