Германияда гулчилик ва боғбонлик учун қабул бошланди

Германияда гулчилик ва боғбонлик соҳасида ўқиш учун қабул очилди. Миграция агентлиги бу ҳақда маълум қилди. Аризалар 20-октабргача қабул қилинади.

18−25 ёшдагилар учун уч йиллик дастур

Гулчилик ва боғбонлик бўйича уч йиллик бепул таълим дастури 18−25 ёшдаги ёшлар учун очиқ. Номзодлар немис тилини камида Б1 даражасида билиши ва Гоэтҳе, Европа Сертификатлар Лигаси (ECL), телс, Немис мактаблари дипломи (DSD), ÖSD ёки ТестДаФ сертификатларидан бирига эга бўлиши керак. Сертификат 2026-йил февралдан олдин олинган бўлмаслиги лозим.

Олий маълумотли номзодлар қабул қилинмайди

Дастурда ўрта мактаб, коллеж, лицей ёки техникум битирувчилари қатнашиши мумкин. Олий маълумотли номзодлар қабул қилинмайди. Таълимни муваффақиятли тамомлаганлар Германияда доимий ишлаш имкониятига эга бўлади.

Йилларга қараб стипендия миқдори кўтарилади.

Таълим даврида иштирокчиларга Германияда қайси федерал ерда ўқишига қараб, ойлик стипендия берилади. Биринчи йилда 724−900 евро миқдорида стипендия берилади. Иккинчи йилда 854−1000 евро берилади. Учинчи йилда эса 977−1100 евро миқдорида стипендия берилади. Бу суммалар солиқлар ва бошқа мажбурий ушланмалардан олдинги миқдорлар ҳисобланади.

Маълумот: 2026-йил октябр ойида Миграция агентлиги.