Eritmalar va konsentratsiya

1. Labaratoriyada 4 ta (1 dan 4 gacha raqamlangan) probirkalarda 4 xil moddaning alohida – alohida eritmalari mavjud.
Moddalar:
I ) Bariy nitrat eritmasi;
II) Ammoniy xlorid eritmasi;
III) Nitrat kislotaning eritmasi (suyul);
IV) Natriy gidroksid eritmasi.
Quyidagilar ma’lum bo‘lsa:
a) № 2 va № 4 probirkadagi moddalar bir-birini neytrallaydi;
b) № 3 va № 4 probirkadagi moddalar o‘zaro ta’sirlashib, o‘tkir hidli (n,sh) tibbiyotda qo‘llaniladigan gaz hosil qiladi.
№ 1 da qanday modda eritmasi mavjudligini aniqlang.

2. 40 g natriy sulfat necha gramm suvda eritilgan-da 25 % li eritma hosil bo‘ladi?

3. CaBr2 ning massa ulushi 60 % bo‘lgan suvli eritmaning zichligi 1,2 g/ml bo‘lsa, shu eritmaning molyar konsentratsiyasini (mol/l) aniqlang.

4. Sulfat kislotaning 800 ml 36 % li (ρ=1,35 g/ml) eritmasiga 20 % li oleumdan necha gramm qo‘shilganda erigan modda konsentratsiyasi 14,5 % ga ortadi?

5. pH qiymati 2 ga teng bo‘lgan 5 litr eritmaga necha litr suv qo‘shilganda eritma pH qiymati 3 ga teng bo‘ladi?